La madonina de Rongiana
scritta da Marzopino
Con la lengua fuoeu ‘na spana,
Con bagnaa el gipponin,
Son tiraa fin’a Rongiana
A la porta del confin.
E vedend la Madonina
Che protegg i finanzier
E d’ì guai che ‘l mond destina,
La remiri e fo ‘n penser:
Madonina de Rongiana
Che Te guardet sul confin,
Quand Te sentet la pedana
Del spallon col sacchetin,
Sara i oeucc e fa la nana
Madonina de Rongiana!
L’è scià sira e torni in vall
Dove seri vegnuu via
La campana de Vacall
Sona già l’Ave Maria.
Quand l’è nott on quaj ciarin
Su pei mont se ved già,
Ogni tant adree ‘l confin
On quaj colp se sent sparà…
Madonina de Rongiana,
Se de nott Te restet sola,
Quand Te sentet la pedana
Del spallon con la bricòla
Sara i oeucc e fa la nana
Madonina de Rongiana!
Se cicciara a la mattina
Su i alarmi de la nott…
Ringraziem la Madonina
Se de maa ghe staa nagott.
E quand sona la campana
De la Gȇsa poch lontan,
Madonina de Rongianae guardet sul confin,
Quand Te sentet la pedana
Del spallon col sacchetin,
Sara i oeucc e fa la nana
Madonina de Rongiana!