I carterin de Brengia
scritta da Marzopino
Quando che sonnan i siren
De la Folla e ‘l Marain
I tosann hinn già in cammin
Per portass sul lavorà.
Paren tanti rondolett
Isgovaa da la niada
Che saltellan per la strada
E nò fann che cipillà.
On repart del Marain
El lavora in confezion:
Carta fina e cartonzin
Vann in cent trasformazion.
E dai man di Cartarin
I modej perfezionàa
Vann peu in mostra in di vedrin
Pussee bej de la cittàa.
Viva i noster Carterin
De la Folla e ‘l Marain
Che te portan inn Cartera
On bel ragg de primavera!
Quand che vegn el dì de festa
Gh’è de ved i Carterin
Con che lusso d’ona vesta
Vann a spasso col morosin!
E tutt quant sti bej tipin
Di pivej se fann guardà
Fee giudizi che a la fin
On beel di ve femm sposà!…
Viva i noster Carterin
De la Folla e ‘l Marain
Che te portan inn Cartera
On bel ragg de primavera!