La canzon de Brengia

scritta da Marzopino

 

Da Cozzena al Sass de Crin

Dal Trombetta a Sant’Ambros

Dai Scalett al Marain

E dal Dazi fina’l Cös.

 

Dalla Folla a Campagnaga

Dal Majett fina’l Triboeucc

Della Brengia la gran plaga

l’è ona festa per nostr’oeucc.

RITORNELLO

Maslianich, la riviera

Della Brengia l’è de bon,

Come rondol in primavera

Va per l’aria la Canzon.

 

Su in alt comè  vedetta

Della Gesa el Campanin

Sona l’Ave che quieta

Per la vall la va a destin.

 

Giò al pian de bona lena

Caminon se ved fumà

Al riciam de la sirena

Se ritorna a lavorà.

 

RITORNELLO

 

E comprês anca Vergnanich

dappertutt gh’è bona gent

E bon’acqua a Maslianich

Gh’è del <<Fich>> la gran Sorgent.

 

Corr la vall fra la montagna,

La collina de Quarzin

Che la Brengia ai pè la bagna

E ol bel lag ghe l’hemm visin.

 

RITORNELLO

 

Se fa la carta, se fa seda

Se produss di macchinari

De tosan ghe n’è ‘na meda

D’un bellissim campionari…

 

Se ripon bona speranza

In la noeuva gioventù

Che ghe n’è in abbondanza…

Ma de asan ghe n’è più!

 

RITORNELLO